Hak Cipta Dilindungi Undang-undang

All Right Reserved

Penulis          :  Dedi Mulyadi

QRCBN         :  62-839-6335-400

Penyunting   :  Kokom Komara

Lay out          : Tim CMJ

Desain Sampul: Hapiah Wardah Cetakan Pertama, September 2024

Buku “Rumpaka Jati Diri Ki Sunda” mangrupikeun buku kumpulan sajak akrostik Sunda sanaos seueur kènèh kakirang mugia janten angliur manah anu seneng maos sajak Sunda.  Arkostik asalna tina bahasa Yunani, Akrostichis, nu hartosna   sajak nu huruf awal baris nyusun hiji kecap atawa kalimah. Sajak Akrostik biasana ngagunakeun aksara mimiti nu aya dina ungal kecap mimiti. Sajak akrostik bèda jeung sajak nu lian   sabab huruf – huruf mimiti unggal baris   ngeja kecap nu dibaca kalawan vertikal. Pola rima jeung jumlah baris dina sajak akrostik bisa rupa- rupa sabab sajak akrostik leuwih ti sajak deskriptif nu ngajelaskeun kecap-kecap nu dibentuk.

DEDI MULYADI

Datang tandang makalangan

Estuning hariring manjang mapay peuting

Duriat geus mangsana manjangan, jungjunan

Impian biheung kasorang, …

Mapag saban harepan

Ulah ceurik jadi jalma leutik

Langgam angin, hiliwirna melang mapay gigir manah

Yaaa … Robii, Yaa Ilahi … ngan ukur kecap èta nu kedal
Aya kukupu eunteup ngeukeupan bangbaluh

Dina samporètna peuting

Impian pikeun ngahontal harepangan

SAMPURASUN

Simkuring ti Sunda tulèn  haturan wilujeng sumping

Aya kabingah tepang jeung baraya

Matéahkeun saban impian

Piligenti ngagali wanci

Urang mumulè tur ajènan budi paragi  urang   
Rupa-rupa warna ngajajar

Angkeuhan  diurus tur dipiara sing hadè

Sagala rasa nyangkaruk dina kalbu

Ungkara natrat na kongkolak

Nyakseni ajen Sunda kiwari